لازم نحلم

ملناش فى الدنيا غير حلم نحلمه
والحلم كمان ايه يمنعه
جوانا عايش بيحرك قلوبنا
مش دائما نحققه
وكتير بنودعه
بس لازم نحلمه
ونحلم ونحلم تانى
عايشين العمر سنين وثوانى
بنشوف حكايات زمن تانى
متعودين على الدنيا
ومش متعوده علينا
وننسى بالدموع
وياريتها تغير حاجه
مش بايدينا
بنلف فى دنيا ملهاش معالم
ومش دائما القرار حاسم
غايب عن الوعى
لا صاحى ولا نايم
نفسه يرجع ومش قادر
مش باديه ..ومش عارف
ونرجع ونحلم تانى
عايشين العمر سنين وثوانى
بنشوف حكايات زمن تانى
القلوب من جوه بتتغير
والزمن على طول بيحير
والعمرى بيجرى ..مش بيدير
على طوله عايش غايب
مش دائما تلاقيه حاضر
وتجى ثوانى نحلم
و نغمض عينينا
ولو طال الحلم شويه
نرجع نخاف ..والخوف يصحينا
ونرجع نحلم ونحلم
وملناش غير حلم نحلمه
والحلم كمان ايه يمنعه
جوانا عايش بيحرك قلوبنا
مش دائما نحققه
وكتير بنودعه
بس لازم نحلم..

*****

د/حمدى زويل