د/ حمـــــــــــــدى زويــــــــــــل: قصه واقعيه

كنت مع اصحابى..فى مصيف الاسكندريه..ودورنا على شقه..قريبه من البحر..ولقينا فعلا شقه لقطه فى عماره لقطه فى الدور التاسع وبتطل على شارع لقطه ..بس للاسف مكنش فيه اصانصير ..واضطرينا ان احنا نقعد فيها ..لانى مكنش فيه غيرها وكانت بسعر كويس .

ما علينا

الشقه كانت فى الدور التاسع ..يعنى يا دوب نقدورا ننزلوا مرتين بس فى اليوم..مره عشان البحر ..ومره عشان نتمشى بالليل

كنا عاملين حسابنا فى الاكل...بس حبينا نغيروا ..فقلنا نعمل مكرونه ونقلى بطاطس بدل ما ناكل يوم فراخ ..

حد بيعرف يعمل مكرونه ؟؟؟

ايوة (رد واحد صاحبى ضخم الجثه )

قلنا كويس ...وياريتنا ما قلنا

وانا قولتلهم انا هعمل البطاطس ..انا بعرف اقلى يعنى ..دى شغلانه سهله

المهم ..جه صاحبى الضخم ده ووقفنا انا وهو فى المطبخ ..حبيت اشوفه وهو بيعمل المكرونه ..عشان اتعلم حاجه تنفعنى للزمن ..

حط حله ..فيها ميه ..وبعدين حط كيسين مكرونه ..وشويه زيت (نص قزازه؟) وشويه سمنه (كيسه كده يعنى )وحط ملح ..ومش فاكر

الباقى اصل قعد يحط حاجات كتير .....وغطى الحله وقلى سبها بقه ...انا هخش اخد دش ع السريع ..عما تطيب .....

جه دورى

عملت البطاطس وبدات اقلى ..وانا بغنى ..مليت طبق كبير ...وباقى لسه بيتحمر ...

انا كنت شامم ريحه( مش ولا بد )...بس مكنتش ريحه البطاطس.

المهم .صاحبى طلع من الحمام ...بينزل ايديه وهو بيعدل هدومه ..خبط طبق البطاطس المليان ..الى انا بقالى ساعه بعمل فيه

..فبص لى وسكت ..

قالى انا هلمه ..بس متقلش لحد ..لانى محدش هيرضى ينزل يشترى بطاطس ..تانيه احنا فى الدور التاسع ...وانا مش نازل

وهما جعانين وهياكلوا اى حاجه ...

قلتله يابنى ..دى الارض كلها رمل وميه بحر يعنى ....كانت قدام الحمام...

ما علينا ......

لمينا البطاطس وحطينها فى الطبق ...وخلصت انا الباقى وحطيتهم فى طبق تانى شكل الطبق الاولانى بالضبط

....المهم

جينا بقه ناكل ..طبعا طبعا ..المكرونه ..كانت عجين..وملها شكل محدد ..بس لانهم كانوا جعانين اكلوااااااااااااااااااااااا

والبطاطس اخدت انا الطبق النضيف قدامى ..وحطيت الطبق المعفن قدامهم ..وشوفت بقه 2 اصحابى اوووى وغمزتهم

قولتهلم ..محدش ياكلوا بطاطس الا من الطبق الى قدامى ..فسالونى ليه ..........امتنعت عن الرد

وفعلا وللاسف ..اكلووووووووووووووووووا

وهما بيطرشقوااااااااا الرمل فى بقهم ..وانا سامع الصوت ...انا كنت بدلت الاطباق ..ومعلم الطبق النضيف طبعا ..عشان ماكلش من التانى

ونزلناااااااااااااااا نتمشوا .....

يادوب وصلنا لاول الشارع ..وكل واحد م الى كل من البطاطس المعفنه او حتى المكرونه المعجنه ..مسك بطنه ورجع جرى على الشقه ..

وهما راجعين ..افتكرواااااا انه لسه بدرى اووى على اما يوصوااااااااا الشقه الى فى لدور التاسع ..ولسه هيفتحوا الباب ..وبعدين مين الى هيخش الحمام الاول ..............

ونظرااااااااااااااااا لرحمه الله ..لقوااااااااا جامع قريب ..طلعواااااااا جرى ع الجامع

ودى كانت اول واخر مره ...اعمل فيها بطاطس

ولحد دلوقتى ....

معرفش هو فعلا الى بيعمل مكرونه بيحط سمنه وزيت مع بعض ....ومردتيش اسال ..لانى برده قررت انى ماكلش المكرونه تانى.....

هناك 3 تعليقات:

وظائف أون لاين يقول...: عزيزى المدون .. عزيزتى المدونة

جائتنى فكرة عمل هذه المدونة عندما وجدت أن اغلب المدونين من الشباب واغلب المدونين اما طلبة بالجامعات أو منتظرين للوظيفة بعد التخرج وحتى المدون الذى وجد وظيفة فأنه يحصل على راتب بسيط

ولأننا كمدونين نجلس على النت بالساعات

فاننى فكرت وبحثت عن وسيلة أستطيع من خلالها زيادة دخلى وتوفير المال عن طريق النت وقلت لماذا لا نستفيد نحن معاشر المدونين من النت مادياً ومالياً

ومن هنا جائت فكرة هذه المدونة

فقمت بجمع بعض البرامج وبعض المواقع التى نستطيع من خلالها أن نتحصل على المال عن طريق العمل على النت ( بزنس أون لاين ) وعلى فكرة الموضوع بسيط ومجرب قبل ذلك وسهل ولكن يحتاج للصبر والأنتشار

والتفاصيل والشرح بالصور وكل المعلومات عن المشروع موجوده بالمدونة

يا رب الفكرة تعجبكم

ويا رب تشتغلوا وبلاش كسل وبلاش نقول مفيش شغل

الشغل موجود بس أون لاين; 22 أغسطس 2008 في 11:16 ص
محمد خير الاسماء يقول...: معاك شاحن نوكيا طيب؟؟؟؟؟؟؟؟؟; 23 أغسطس 2008 في 4:09 ص
ذو النون المصري يقول...: كل عام انتم بخير
تقبل الله منا و منكم طيب القول و صالح العمل
قصه ظريفه
اعتقد ان صاحبكم الضخم كان م ع; 1 سبتمبر 2008 في 3:21 م