ليه ياقلبى
راجع دلوقتى و بتسآل عنها
ليه جى دلوقتى و تقول محتاجلها
ماكانت معاك ..وانت مش دارى بيها
كانت بتفكر فيك ..وانت ناسيها
لما بعدت عنها وسبتها
وقـسيت عليها وجرحتها
راجع دلوقتى ..وبتقول محتاجلها
دلوقتى خلاص عرفت.. انك بتحبها
دى ياما اتمنت زمان.. انك تقولها
وانت كنت حاسس ومرحمتـش ضعفها

ولما حسيت
انها خلاص هتروح منك
رجعت و حنيت
وبتقول كان غصب عنك

دلوقتى... هيا لو راحت
مش هتقدر تلوم ...عليها
ده اكيد من... حقها
ولا هتقدر تغصب عليها
مانت الاول... جرحتها

بس هيا اكيد حاسه بيا
هتعرف كل اللى جوايا
اول ما تشوف عينيا

هيا اكيد حاسه بيا
دى حبيبه قلبى وعينيا
*****

مقدرش اقولك نسيت وانت لسه فاكر
ولا اقدر اقولك تنسى وانا مش قادر
كل كلمه قولتهالى
كل زكرى عيشتهانى
مش هقدر يوم انساها
ولا هتغيب عن بالى

لو كان البعد خدنى منك
لو كان غصب عنى وعنك
عمرى ما اقدر انسى انك
كنت اجمل حاجه فى حياتى

كل كلمه قولتهالى
كل زكرى عيشتهانى
مش هقدر يوم انساها
ولا هتغيب عن بالى

مش كتير عليا احلم باللى عشته معاك
حتى لوكان صعب عليا تانى القاك
مستحيل يوم هنساك
انسى روحى وحياتى

كل كلمه قولتهالى
كل زكرى عيشتهانى
مش هقدر يوم انساها
ولا هتغيب عن بالى

مقدرش اقولك نسيت وانت لسه فاكر
ولا اقدر اقولك تنسى وانا مش قادر

*****

من غير ما تقول انك مصرى هيبان عليك ولو كنت فى اى مكان
لما تكون الشهامه طبعك
والرجوله طالعه من قلبك
واسم مصر بيسرى فى كل نبضه من نبضك
وتسرح مع نفسك ..وتقول الله عليكى يا مصر
هيقولوا ..ده هو ابن مصر
وترفع راسك للدنيا كلها
علشان اتولدت على ارضها
وتقول انا ابنها ..ابن مصر ..ابن مصر
لما تحلف بالفراعنه ..والتاريخ الطويل
ودم الشهداء فى سيناء ..اكبر دليل
ولما تغيب الشمس ..وانت واقف على شط النيل
وتسرح مع نفسك ..وتقول الله عليكى ..الله عليكى يا مصر
هيقول ..ده هو ابن مصر
وترفع راسك للدنيا كلها .
وتقول انك اتولدت على ارضها
وتقول ان ابن مصر
ابن مصر
لما تسمع نبره الست بتهزك.
وتحس برعشه فى كل جسمك
وتقول الله الله .. بعلو حسك
الله عليكى.. يا مصر
هيوقلوا ..ده هو ابن مصر
وترفع راسك للدنيا كلها
علشان اتولدت على ارضها
وتقول انا ..انا ابنها ..ابن مصر
ابن مصر

*****

بترجاك

بتـــــــــــــرجاك
تخلينى معــــــــــاك
وحياه اللى بينا
متخلنيش الدنيا تاخدنا
وحياه عمرى اللى انا عشته معاك

متحكمش عليا انى افضل اعيش
باللى انا فيه
الف وادور وارجع مالاقيش
غيره حيره قلبى وطول لياليه
بترجاك
يا حبيبى تخلينى معاك
وحياه اللى بينا
متخليش الدنيا تاخــــدنا
وحياه عمرى اللى انا عشته معاك

متسبنيش للدنيا تجرب قسوتها عليا
وانا متعود اعيشها معاك
ازاى فى ثانيه مالاقيش فى عينيا
غير دموع قلبى وجرح هواك
بترجاك
يا حبيبى تخلينى معاك
وحياه اللى بينا
متخليش الدنيا تاخـــــدنا
وحياه عمرى اللى انا عشته معاك


د/حمـــــــدى زويـــــــل
بترجاك

نادينى

خلينى جنبك ...احـــــــــــــــــلم معاك

داوينى

نسينى كل شئ راح قبل لقــــــــاءك

من اول مره قابلتك

حسيت انك قدرى

وابتديت اعد عمرى

وبقيت بخاف لو مكنتش معــــــــاك

خلينى هنا .....ايوة معاك

واوعدنى ...ما تغيب عنى

ومنين ما تروح وياك هتاخدنى

من بعد ما لاقيت حياتى هنا معاك

مبقيتش قادر

اشوف الدنيا غير بيك

ولا عارف

اعيش حياتى

من غير عينيك

خلينى هنا .....ايوة معاك
واوعدنى ...ما تغيب عنى
ومنين ما تروح وياك هتاخدنى
من بعد ما لاقيت حياتى هنا معاك

******

هيا غابت ليه المره دى
خايف ليكون غيابها ده شئ مش عادى
بقالها كتير حالها متغير
مش عارف مالها ..كلامها وسلامها
حتى نظرتها ..بتحير
مش عارف .هيا غابت ليه المره دى

و بسال ..يكون جرالها ايه
انا قلبى خلاص مش قادر
والشوق فاض بيه
يعنى.. اكون عملت ايه
خلاها تغيب عنى وتسبنى
وحالى يصعب عليه

خايف لتكون لسه متاثره بكلامى
لما قولتلها يوم تنسانى
انا تعبت خلاص
توهت وغرقت جوه اوهامى

و بسال يكون جرالها ايه
انا قلبى خلاص مش قادر
والشوق فاض بيه
يعنى اكون عملت ايه
خلاها تغيب عنى وتسينى
وحالى يصعب عليه


انا عمرى ما قصدى يوم اجرحها
ولا فكرت ان كلامى ...

ممكن يجرح احساسها
وبقول لو.. تفتكرنى
يمكن تحن والشوق يرجعها

وماشى بقول جرالها ايه .......(ابقى طمنينى عليكى)

اتولدت من جديد..لما اتخلق جوايا حبك اكيد..واتغير احساسى من بعد ما كنت عايش فى النيا وحيد

كنت بحلم ولاقيتك انتى احلامى.عشقتك بكل روحى وكيانى ..ياه ده كان حقيقى حلم بعيد

كنتى فين ؟..

انا كنت بدور عليكى ..ياما سنين حلمت يوم الاقيكى...قربى منى حبيتى خلينى ..احس بيكى

كنتى فين ؟..
انا كنت بدور عليكى ..ياما سنين حلمت يوم الاقيكى...قربى منى حبيتى خلينى ..احس بيكى

فتحت عينيا ..على نورحبك..لاقيت الدنيا ماهى دنيا ..من غير حضنك

وانتى بين ايديا ..بتلمى الدنيا عليا ..خليكى هنا شويه.. خلينى على طول جنبك

كنتى فين ؟..

كنت بدور عليكى .ياما سنين حلمت يوم الاقيكى ..قربنى منى ..حبيبتى.. خلينى احس بيكى

كنتى فين ؟..
انا كنت بدور عليكى ..ياما سنين حلمت يوم الاقيكى...قربى منى حبيتى خلينى ..احس بيكى

***********

***وحشتينى اوى...